داغلار آغلار داشلار آغلار

نوحه شروع محرم

داغلار آغلار داشلار آغلار
ماتمونده یا حسین
نیزه لرده باشلار آغلار

ماه ماتم باشلانوبدی
غملی گوزلر یاشلانوبدی
اهل عالم گیدی قاره
سرور دین حیدر آغلار

دل غمونده داغلاروخ بیز
عاشقانه آغلاروخ بیز
عاشق مولا اولانلار
آه و افغان ایلر آغلار

قورموشوخ ماتم اساسی
شیعه گیدی غم لباسی
گوز یاشی توکدی عذاره
قطب دین پیغمبر آغلار

ماتمونده عالم آغلار
آدم آغلار خاتم آغلار
غم ائله غمدیور بو غمده
مومن آغلار کافر آغلار

آغلوری گوگده ملک لر
اوخشوری محراب و منبر
بیر قولاق وئرسن گوررسن
مسجد اوخشار منبر آغلار

غصه دن طاها سیزیلدار
حضرت زهرا سیزیلدار
سسلوری ای وای اوغول وای
مادر غم پرور آغلار

عاقل و دیوانه آغلار
کعبه و بت خانه آغلار
بو غم عظماده شیعه
آچ گوزون گور کیملر آغلار

شاه دینین یاسی گلدی
روز عاشوراسی گلدی
آتش غمده یانانلار
گل آدیوی سسلر آغلار

آت اورک بیر کربلایه
اوردا باخ شور و نوایه
بیر نظر سال قتلگاهه
حنجر اوخشار خنجر آغلار

محنت مولا قوتولماز
سوز یازاندا پرده لی یاز
ساخلا ال یازما «شهابی»
خامه اوخشار دفتر آغلار

 منبع : تورکی نوحه لر - قربانعلی زاده

آغلار ,اوخشار ,داشلار ,آغلار داشلار ,داشلار آغلار ,داغلار آغلار ,آغلار داشلار آغلار ,داغلار آغلار داشلار منبع

مشخصات

تبلیغات

آخرین ارسال ها

آخرین جستجو ها

مبانی نظری و پیشینه تحقیق جنگل های ایران اموزشی طراحی وب سایت ، سئو ، بهینه سازی مشاوره تلفنی سربازی اخلاق نامه بازاریابی اینترنتی همه چی موجوده